Kök Apiaceae kimi tanınan Umbelliferae ailəsinə aid olub bu ailənin ən vacib və ən çox istehlak olunan tərəvəzdir. Növbəti il baş tutacaq çiçəkləmə dövrü üçün yüksək miqdarda şəkər depolayan qalın və əsas kökü inkişaf edərkən yaz və yay aylarında yarpaq rozetləri formalaşan ikiillik bitkidir. Uc hissəsində ağ çiçəklər olan çiçək saplağı təxminən 1 metrə qədər uzanır. Bitkinin yeyiləbilən kökü adətən narıncı və ağ rəngli, təzə olduğu zaman isə qırmızı və ağ rəng çalarlarında, xırtıltılı quruluşlu olur.

Kök əkimi üçün ümumi məsləhətlər: yüngül quruluşlu, tərkibli, mümkündürsə qumlu və su tutma qabiliyyəti yaxşı olan torpaq sahəsi seçin. Bu şəraitdə əkilən kök yaxşı inkişaf edərək yüksək keyfiyyətli, görünüşcə də xoş formalı məhsul verir.

Bitki iqlimdən asılı olaraq müxtəlif fəsillərdə məhsul verə bilər. Normal inkişaf üçün optimal temperatur 16-18 dərəcədir. Yüksək temperatur məhsulun rənginin daha açıq olmasına və kökün daha uzun, nazik uclu olması ilə nəticələnir, aşağı temperatur isə sarımtıl və qısa kökün yaranmasına şərait yaradır. Qeyd etmək lazımdır ki, bitki yumşaq şaxtaya qarşı dözümlüdür.

• Əkimdən əvvəl torpağı dərin işləməklə hazırlamaq, daha sonra isə üzdən görülən işlərlə məhsuldarlığını artırmaq vacibdir. Kökdə yarana biləcək problemlərin qarşısını almaq üçün əvvəlcədən əkilmiş məhsulu gübrə ilə təmin etmək lazımdır. 1-2-3 nisbətli kompleks gübrələr, azot və kalium tərkibli torpaqdan istifadə edilməsi daha doğrudur. Kök sistemini kökqurdu kimi zərərvericilərdən qorumaq üçün insekdisitdən  (həşəratöldürücü) istifadə qaçınılmaz addımlardan biridir.
• Toxumları 1-2 sm dərinlikdə səpmək herbisitlərin effektini artırır və məhsulun nisbətən eyni forma və ölçüdə olmasına təsir edir. Əkin zolağının genişliyini 4 sm, cərgələr arası məsafəni isə 18 sm ölçülərində qoymaq çox yaxşı nəticə verir, bu zaman 1 ha ərazi üçün orta hesabla 3-5 milyon toxum istifadə olunur. Bitkinin inkişaf və məhsuldarlıq dövründə sabit olaraq torpaq nəmliyinin təmin edilməsi vacibdir. Çiləyici suvarma sistemindən istifadə olunması bu bitki üçün idealdır.
• Məhsul yığımı zamanı işin yüngülləşməsi üçün sahədə alaq edilməlidir.
• Kökdə yarana biləcək küf, Alternariya, Cercospora, Septoriya, yarpaqlarda rizotokiya kimi xəstəliklərdən qorunmaq üçün müvafiq funqusidlərdən istifadə edərək bitkiyə nəzarət etmək labüddür.
• Məhsul yığımı əl ilə (fiziki əməklə) və mexanika vasitəsilə edilə bilər ki, bu, əkin sahəsinə müvafiq hansı variantın daha ucuz başa gələcəyindən asılıdır.

Hal-hazırda saytımızda olan kök toxumları və qiyməti barədə məlumat almaq üçün buraya daxil olun.

Əlavə link: http://toxumcu.az/product-category/bazar/toxum/kok-toxumu/